Шүд эрүү нүүрний гажиг гэдэг нь шүдний байрлал, хэлбэр, эрэмбэ алдагдаж, буруу зуулт үүссэнээс болж амны хөндийн үйл ажиллагаа болон гоо сайханд нөлөөлөх эмгэг юм.
Шүд эрүү нүүрний гажиг нь зөвхөн гоо зүйн асуудал үүсгээд зогсохгүй, шүдийг цэвэрлэхэд хүндрэлтэй болгож, цоорол, буйлны өвчин үүсэх эрсдэлийг нэмэгдүүлдэг. Түүнчлэн зуулт буруу байх нь хоол зажлах, ярихад хүндрэл үүсгэх магадлалтай. Гажиг заслын эмчилгээ нь энэ төрлийн асуудлуудыг засах, зөв байрлалыг сэргээх зорилготой байдаг.
PRODENT ШҮДНИЙ ЭМНЭЛЭГ
ТЭГШ, ДҮҮРЭН, ЭРҮҮЛ инээмсэглэлийг бид танд мэргэжлийн үйлчилгээгээрээ бэлэглэх болно.
Шүд эрүү нүүрний гажиг гэж юу вэ? үүсэх 3 шалтгаан
Шүд эрүү нүүрний гажгийн шалтгаанууд нь олон янз байж болох бөгөөд тэдгээрийг ерөнхийдөө удамшил болон орчны нөлөөллөөс үүсдэг гэж үздэг.
1. Удамшлын шалтгаан
Генетик: Шүдний хэлбэр, хэмжээ, эрүүний хэмжээ зэрэг нь удамшлын шинж чанартай байж болно. Жишээлбэл, нэг гэр бүлийн гишүүдэд дээд эрүүний зуулт зөрөх, шүдний давхраал үүсэх зэрэг асуудал үүсэх нь түгээмэл байдаг.
Эрүүний хэмжээний тэнцвэргүй байдал: Эрүүний хэмжээ том байвал шүд хоорондын зай их, жижиг байвал шүд давхцал үүсэх эрсдэлтэй.
2. Орчны шалтгаан
Хүүхдийн зуршил: Хүүхэд хуруугаа хөхөх, хэлээ түлхэх, амьсгалаа аман дотроо хийх гэх мэт зуршлууд нь шүдний гажиг үүсгэхэд нөлөөлдөг. Эдгээр зуршлууд удаан хугацаанд үргэлжилвэл шүдний байрлал алдагдах боломжтой.
Амьсгалын замын асуудал: Хамрын замын асуудал, ялангуяа хамрын түгжрэл эсвэл аденоид, гүйлсэн булчирхай томрох нь амьсгалыг амаар хийхэд хүргэж, улмаар шүдний гажиг үүсгэдэг.
Хоолны зуршил: Хэтэрхий зөөлөн, бага зажлах хоол хэрэглэх нь шүдний болон эрүүний хөгжлийг бууруулж, шүдний байрлалд нөлөөлдөг.
Хүүхдийн шүдийг эрт алдах: Сүүн шүдийг эрт алдах нь байнгын шүдний өсөлтөд саад болж, тэдгээр нь буруу байрлалд ургах нөхцөл болдог.
3. Мэс ажилбар болон гэмтлийн шалтгаан
Нүүрний гэмтэл: Эрүүнд гэмтэл учирсан тохиолдолд шүдний байрлал алдагдах боломжтой.
Мэс ажилбар: Зарим тохиолдолд буруу мэс ажилбар буюу эмчилгээ нь шүдний байрлалыг өөрчлөх магадлалтай.
Эмчилгээ эхлэх хамгийн тохиромжтой үе
Шүдний гажгийг аль болох эрт илрүүлж, зөв цагт эмчлэх нь үр дүнтэй байдаг. Шүдний гажгийн эмчилгээ хийх тохиромжтой үе нь шүдний гажгийн төрөл болон хүүхдийн наснаас хамаарч янз бүр байна.
Сүүн шүдний үе (3-6 нас)
Энэ үед эрт илэрсэн томоохон гажгуудыг илрүүлж, хяналтанд байлгах нь чухал. Хүүхдийн буруу зуршлуудыг засах, эрүүний хөгжлийг хянах үүднээс эмчийн үзлэг хийх шаардлагатай. Гэхдээ энэ үед ихэнх гажигуудыг засах эмчилгээ хийгдэхгүй, харин урьдчилан сэргийлэх арга хэмжээ авдаг.
Холимог шүдний үе (6-12 нас)
Энэ үе нь шүдний гажиг засахад хамгийн тохиромжтой үе юм. Хүүхдийн сүүн шүдүүд унаж байнгын шүд ургаж эхэлдэг бөгөөд шүдний байрлал, зуулт гажих магадлал өндөр байдаг. Энэ үед гажиг засах аппарат (брекет, зэмсэг) ашиглан эрүүний хөгжлийг удирдах болон шүдний буруу байрлалыг засах боломжтой. Гажигийн эмчилгээг ихэвчлэн 7-9 насны хооронд эхлүүлэхийг зөвлөдөг.
Байнгын шүдний үе (12 нас ба түүнээс дээш)
Энэ насанд бүх байнгын шүд ургасан байдаг тул шүдний гажгийг бүрэн хэмжээгээр засах боломжтой. Брекет, зэмсэг ашиглан эмчилгээ хийх нь үр дүнтэй байдаг. Томчуудын хувьд ч гэсэн гажгийг засах боломжтой боловч нас ахих тусам эмчилгээний хугацаа уртсах магадлалтай.
Шүд эрүү нүүрний гажгийг оношлох үе шатууд
Оношилгоо нь мэргэжлийн эмчийн үзлэг, рентген болон бусад шинжилгээний тусламжтайгаар хийгддэг бөгөөд эрт оношилж эмчлэх нь ирээдүйд үүсэх эрсдэлээс сэргийлэхэд чухал ач холбогдолтой.
Шүдний эмчилгээ
Зөвлөгөө Мэдээлэл
Фтор гэж юу вэ, яагаад хэрэгтэй вэ?
Хэлний өнгөрийг арилгах арга
Нойрны эмгэг/ апноэ өвчин
Хамгийн сайхан шүдтэй алдартнууд
Хүүхдийн ам гэмтэх шалтгаан
