Prodent dental clinic – Шүдний эмнэлэг
Имплант буюу шүд суулгах үйлчилгээ
Шүдний имплант гэдэг нь шүдний ёзоорыг орлон эрүү хоншоорын ясанд суулгадаг титанаар хийгдсэн, авагддаггүй хиймэл шүд юм.
Имплант гэж юу вэ?
Шүдний имплант нь унасан, авахуулсан, ургаагүй эсвэл эмчлэх боломжгүй болсон шүдийг орлуулах хамгийн орчин үеийн, бат бөх, төрөлхийн мэт харагдах гоо зүйн өндөр ач холбогдолтой шийдэл юм. Имплант нь эрүү хоншоорын ясанд суулгадаг титан материалаар хийгдсэн шүдний хиймэл суурь бөгөөд дээр нь шүдний цөгцийг байрлуулснаар таны зажлах үйл ажиллагаа болон гоо зүйг нөхөн сэргээдэг эмчилгээ юм.
Имплант эмчилгээ яагаад онцгой вэ?
Энгийнээр хэлбэл имплант нь шүдний зөвхөн харагдах хэсгийг бус, шүдний сурвалж буюу ёзоорын үүргийг хүртэл орлуулдгаараа хамгийн давуу эмчилгээний нэг юм. Ингэснээр зэргэлдээ эрүүл шүдийг гэмтээхгүйгээр алдагдсан шүдийг нөхөх боломжтой.
Мөн имплант нь эрүүний ясыг ачаалалтай ажиллуулж, яс шимэгдэх эрсдэлийг бууруулдаг. Тиймээс зөвхөн сайхан инээмсэглэл төдийгүй, урт хугацааны амны хөндийн эрүүл мэндэд чухал нөлөөтэй шийдэл болдог.
Имплант ямар хэсгүүдээс бүрддэг вэ?
Имплант нь үндсэндээ 3 хэсгээс бүрдэнэ. Нэгдүгээрт, эрүүний ясанд суулгах титаны хиймэл суулгац. Хоёрдугаарт, уг суурин дээр холбогдох абатмент. Гуравдугаарт, аманд ил харагдах шүдний цөгц.
Энэ бүтэц нь хүний төрөлхийн шүдний ёзоор болон цөгцний үүргийг дуурайлган гүйцэтгэдэг тул гоо сайхан, бат бөх байдал, үйл ажиллагааны хувьд өндөр үр дүнтэй байдаг.
Ямар тохиолдолд имплант тохиромжтой вэ?
Нэг шүд унасан, хэд хэдэн шүд дутсан, эсвэл бүрэн шүдгүй болсон тохиолдолд имплант эмчилгээ тохиромжтой байж болно. Ялангуяа авагддаг хиймэл шүднээс илүү тогтвортой, илүү тав тухтай шийдэл хүсэж байгаа хүмүүст тохиромжтой.
Гэхдээ эрүүний ясны хэмжээ, буйлны байдал, ерөнхий эрүүл мэнд зэрэг хүчин зүйлсийг эмчийн үзлэг, зураг, оношилгооны дараа үнэлж байж эцсийн төлөвлөгөө гаргана.
Имплантын давуу тал
Имплант нь зөвхөн шүд нөхөх эмчилгээ биш, харин урт хугацааны амны хөндийн эрүүл мэнд, тав тух, гоо сайхныг нэг дор шийдэх цогц сонголт юм.
Танд тохирох имплантын шийдлүүд
Шүдний алдагдлын хэмжээ, байршил, эрүүний ясны нөхцөлөөс хамааран имплантын төрөл, төлөвлөгөө харилцан адилгүй байдаг.
🦷 Single Implant
Шүдний эгнээнд 1 шүд алдагдсан тохиолдолд нэг имплант суулгац суулган нөхөн сэргээх эмчилгээ юм. Энэ нь шүдний алдагдсан орон зайг эмчлэх хамгийн шилдэг сонголт.
🔗 Bridge Supported Implant
Шүдний эгнээнд хэд хэдэн шүд дарааллан алдагдсан тохиолдолд 2 болон түүнээс дээш тооны имплант суулгац суулган дээрх цөгцийг гүүрлэх хэлбэрээр байрлуулж нөхөн сэргээх боломжтой эмчилгээний арга юм. Илүү тогтвортой, ачаалал даахуйц, зажлах үйл ажиллагаа болон гоо зүйг нөхөн сэргээх боломжийг олгодог.
✨ Full Arch Implant
Эрүү хоншоорын шүдний эгнээ бүрэн шүдгүй тохиолдолд тодорхой тооны имплантыг суулган дээр нь шүдний эгнээг бүтнээр нь нөхөн сэргээх эмчилгээний хэлбэр юм.
Имплант шүдийг хэрхэн суулгадаг вэ?
Имплант эмчилгээ нь зөвхөн нэг удаагийн ажилбар биш, оношилгоо, мэс ажилбар, эдгэрэлт, шүдний цөгц суулгалт гэсэн үе шаттай төлөвлөгөөт эмчилгээ байдаг.
Үзлэг, зураг, оношилгоо
Амны хөндийн үзлэг, рентген болон шаардлагатай тохиолдолд 3D зураг авч, эрүүний яс, буйл, ерөнхий нөхцөлийг үнэлнэ.
Имплант суулгах ажилбар
Хэсгийн мэдээ алдуулалтын доор титан суулгацыг эрүү хоншоорын ясанд суулгана.
Эдгэрэлт ба бэхжилт
Титан суулгац ясанд бэхжиж тогтвортой болох хүртэл дунджаар 3-6 сарын хугацаанд эмчийн хяналтад байж, зааврын дагуу арчилгаа хийнэ.
Шүдний цөгц суулгалт
Шүдний цөгцийг байрлуулах: Имплант бүрэн бэхэжсэний дараа абатмент болон шүдний цөгцийг байрлуулна.
Эмчийн хяналт
Имплант бүрэн хийгдсэний дараа 6 сар тутамд тогтмол эмчдээ шалгуулж имплантын зориулалтын цэвэрлэгээг хийлгэнэ.
Имплант эмчилгээний зөвлөгөө авах уу?
Таны шүдний нөхцөл, ясны байдал, эмчилгээний боломжийг эмчийн үзлэгээр үнэлж, танд хамгийн тохирох шийдлийг санал болгоно.
Түгээмэл асуулт хариулт
Имплант эмчилгээтэй холбоотой хамгийн их асуудаг асуултуудыг нэг дор цэгцэллээ.
Имплант өвддөг үү?
Имплант хүн бүрт тохирох уу?
Имплант хэр удаан хэрэглэгддэг вэ?
Имплант суулгах хугацаа хэр удаан байдаг вэ?
Шүд авахуулсны дараа шууд имплант хийж болох уу?
Имплантын дараа юуг анхаарах вэ?
13 хороолол, Натурын дунд зам дагуу, Pizza hut-ийн замын эсрэг талд.
Яармаг, Hunnu Mall худалдааны төвийн эсрэг талд, New Garden үйлчилгээний төв, 2 давхартБусад үйлчилгээ
Зөвлөгөө мэдээлэл
Хиймэл шүдний хамгийн сайн эмнэлэг
Хиймэл шүдний хамгийн сайн эмнэлэг – Хэрхэн зөв сонгох вэ? Шүдээ алдах нь хүний амьдралд тохиолддог хамгийн таагүй зүйлсийн нэг билээ…Шүдний паалан хийлгэсний дараа анхаарах 7 зүйл
Шүдний паалан хийлгэсний дараа анхаарах 7 зүйл нь гоо сайхны шүдний эмчилгээ хийлгэсэн хүн бүрийн заавал мэдэх ёстой чухал зөвлөгөө…Циркон бүрээс гэж юу вэ? Яагаад хамгийн сайн сонголт вэ?
Циркон бүрээс гэж юу вэ гэдэг нь шүдний гоо сайхны болон нөхөн сэргээх эмчилгээ сонирхож буй хүмүүсийн хамгийн их асуудаг…Шүд яагаад шарладаг вэ? Цайруулахын өмнө мэдэх ёстой зүйлс
Мэдээ, мэдээлэл • Шүд шарлах Шүд яагаад шарладаг вэ? Цайруулахын өмнө заавал мэдэх ёстой зүйлс Шүд яагаад шарладаг вэ гэдэг…
Prodent dental clinic – Шүдний эмнэлэг
ТЭГШ, ДҮҮРЭН, ЭРҮҮЛ инээмсэглэлийг бид танд мэргэжлийн үйлчилгээгээрээ бэлэглэх болно.