Шүдний нүүрэвч гэж юу вэ?

Шүдний нүүрэвч буюу Veneer нь шүдний урд гадаргууд байрлуулдаг маш нимгэн керамик эсвэл zirconium бүрхүүл юм. Энэ нь байгалийн шүдтэй төстэй өнгө, гэрэл ойлголттой байдаг тул хиймэл харагдахгүйгээр шүдийг илүү цэвэрхэн, тэгш, гоо зүйн өндөр үр дүнтэй харагдуулдаг.

Veneer эмчилгээ хийхдээ шүдний үүдэвч талын гадаргуугаас маш нимгэн хэмжээний өнгөн хэсгийг өөлж бэлтгэдэг. Үүний дараа шүдний хэв эсвэл digital scan авч лабораторид өндөр нарийвчлалтайгаар zirconium болон керамик материалаар нүүрэвчийг бэлтгэнэ.

Орчин үеийн CAD/CAM технологийн тусламжтайгаар шүдний хэлбэр, хэмжээ, өнгийг маш өндөр нарийвчлалтай гаргах боломжтой болсон. Ингээд бэлэн болсон нүүрэвчийг зориулалтын хүчиллэг цавуугаар шүдний гадаргууд нааж бэхэлдэг.

Шүдний нүүрэвч ямар үед тохиромжтой вэ?

• Шүд шарласан, өнгө өөрчлөгдсөн
• Шүдний ирмэг хугарсан
• Шүдний завсар ихтэй
• Шүд жигд бус хэлбэртэй
• Шүд жижиг харагддаг
• Шүд элэгдсэн
• Инээмсэглэл жигд бус харагддаг
• Урд шүдний гоо зүй алдагдсан

Зарим хүмүүсийн шүд төрөлхийн жижиг, хэлбэрийн хувьд жигд бус байдаг бол зарим тохиолдолд кофе, тамхи, насжилт, эмийн нөлөөгөөр шүдний өнгө өөрчлөгдсөн байдаг. Ийм үед Veneer эмчилгээ нь өндөр гоо зүйн үр дүнтэй шийдэл болдог.

Шүдний нүүрэвчийн давуу тал

1. Шүдний хатуу эдийг бага гэмтээдэг

Veneer хийхэд шүдний гадаргуугаас маш бага хэмжээний хэсгийг өөлдөг тул бүрээс (Crown) эмчилгээтэй харьцуулахад шүдний үндсэн бүтцийг илүү хадгалж үлддэг.

2. Байгалийн харагддаг

Орчин үеийн керамик болон zirconium материал нь байгалийн шүдтэй төстэй гэрэл ойлголттой тул хиймэл харагддаггүй.

3. Өнгө тогтвортой

Керамик нүүрэвч нь кофе, цай, тамхи зэрэгт амархан өнгөө алдахгүй тул удаан хугацаанд цэвэрхэн өнгөө хадгалдаг.

4. Инээмсэглэлийг хурдан өөрчилдөг

Шүдний хэлбэр, хэмжээ, завсар, өнгө зэрэг олон асуудлыг богино хугацаанд нэг дор засах боломжтой.

5. Өөртөө итгэх итгэлийг нэмэгдүүлдэг

Инээмсэглэл сайжрах нь хүний нүүрний төрх болон өөртөө итгэх итгэлд маш том өөрчлөлт авчирдаг.

Шүдний нүүрэвчийн сул тал болон эрсдэл

Veneer эмчилгээ нь өндөр гоо зүйн үр дүнтэй боловч зарим эрсдэл болон анхаарах зүйлүүд байдаг.

1. Шүдний гадаргуугаас бага зэрэг өөлдөг

Нүүрэвч хийхийн тулд шүдний гадаргуугаас нимгэн хэмжээний хэсгийг авдаг тул буцааж сэргээх боломжгүй өөрчлөлт болдог.

2. Хатуу зүйлээс болгоомжлох шаардлагатай

Мөс хазах, маш хатуу зүйл мэрэх, хүчтэй цохилт авах үед шаазан нүүрэвч хагарах эрсдэлтэй байдаг.

3. Амны хөндийн эрүүл ахуй маш чухал

Буйлтай шүргэлцэх хэсгүүдэд өнгөр хуримтлагдах боломжтой тул амны хөндийн эрүүл ахуйг маш сайн сахих шаардлагатай.

Хэрэв арчилгаа муу байвал нүүрэвчийн ирмэг орчимд шүдний цоорол болон буйл цочрох эрсдэл үүсч болдог.

Шүдний нүүрэвчээс өөр ямар сонголтууд байдаг вэ?

• Шүдний бүрээс (Crown)
• Шүд цайруулах эмчилгээ
• Пааландуулах эмчилгээ
• Шүд зүлгэж өнгөлөх
• Гажиг заслын эмчилгээ
• Согог заслын эмчилгээ

Тухайн хүний шүдний нөхцөл байдлаас шалтгаалан өөр өөр эмчилгээ тохиромжтой байдаг. Зарим үед зөвхөн шүд цайруулах эмчилгээ хангалттай байхад, зарим тохиолдолд гажиг заслын эмчилгээтэй хослуулах шаардлагатай байдаг.

Veneer эмчилгээний үнэ, өртөг

Шүдний нүүрэвч нь өндөр гоо зүй, өндөр нарийвчлал шаарддаг эмчилгээ тул шүд цайруулах, өнгөлөх зэрэг эмчилгээтэй харьцуулахад илүү өндөр өртөгтэй байдаг.

Гэхдээ инээмсэглэлийн өнгө, хэлбэр, завсар, пропорц зэрэг олон асуудлыг нэг дор шийдэх боломжтой тул урт хугацааны гоо сайхны хөрөнгө оруулалт гэж үздэг.

Prodent Hollywood Smile болон согог заслын эмчилгээ

Prodent шүдний эмнэлэг нь Hollywood Smile инээмсэглэл болон шүдний нүүрэвчийн эмчилгээг орчин үеийн технологи, өндөр чанартай материалаар хийж байна.

Мөн шүдний хэлбэр, хэмжээ, завсар, өнгөний асуудлыг согог заслын эмчилгээтэй хослуулан илүү байгалийн, урт хугацааны үр дүнтэйгээр төлөвлөн эмчилдэг.

Түгээмэл асуултууд