Сувгийн эмчилгээ хийлгэсэн шүд өвдөх нь хэвийн үү?

Сувгийн эмчилгээний дараах эхний хэдэн өдөр тухайн шүд дарахад хөндүүрлэх, зажлахад эмзэглэх, бага зэрэг өвдөх нь тодорхой хэмжээнд хэвийн байж болно. Учир нь эмчилгээний явцад сувгийн доторх үрэвссэн эд, бактер, халдварыг цэвэрлэдэг бөгөөд шүдний ёзоор орчмын эдүүд түр хугацаанд цочирч болно.

Гэхдээ өвдөлт аажмаар багасах ёстой. Харин өвдөлт улам нэмэгдэх, шөнө хатгаж өвдөх, буйл хавдах, идээ гарах, зажлах боломжгүй болох, эсвэл эмчилгээ хийлгэснээс хойш олон сар, олон жилийн дараа дахин өвдөх бол энэ нь дахин оношилгоо шаардлагатай гэсэн дохио юм.

Шалтгаан 1: Шимэгддэг сувгийн ломбо материалтай холбоотой

Сувгийн эмчилгээний гол зорилго нь шүдний сувгийг бүрэн цэвэрлэж, халдварыг арилган, дараа нь сувгийг тусгай материалаар битүүмжлэх явдал юм. Гэвч хэрэглэсэн сувгийн ломбо материал чанар, найрлага, тогтвортой байдлаасаа шалтгаалан хугацааны явцад шимэгдэх, агших, зай үүсгэх боломжтой байдаг.

Хэрэв сувгийн материал шимэгдэж эхэлбэл сувгийн дотор бичил зай үүсч, тэр зайгаар амны хөндийн бактер дахин нэвтрэх эрсдэлтэй. Ингэснээр өмнө нь эмчлэгдсэн мэт байсан шүдний дотор дахин халдвар үүсч, улмаар сурвалжийн оройд үрэвсэл бий болдог.

Рентген зураг дээр сурвалжийн орчимд бараан сүүдэр буюу үрэвслийн голомт харагдах нь элбэг. Энэ нь тухайн хэсгийн ясны эд үрэвслээс болж өөрчлөгдөж байгааг илтгэж болно.

Шалтгаан 2: Тухайн шүдний анатомын онцлогтой холбоотой

Хүний шүд бүр ижил бүтэцтэй байдаггүй. Нэг шүдний суваг шулуун, энгийн мэт харагдаж болох ч бодит байдал дээр маш нарийн салаалсан, нэмэлт сувагтай, мурийлттай, эсвэл сувгийн хананд жижиг салаа бүтэцтэй байх нь бий.

Сувгийн эмчилгээний үед эмч сувгийн гол замыг цэвэрлэдэг боловч зарим анатомын онцлогоос шалтгаалан сувгийн хананд мэдрэлийн ширхэг, үрэвссэн эд, эсвэл халдвартай бичил хэсэг үлдэх боломжтой байдаг. Энэ үлдэгдэл хэсэг нь эхэндээ мэдэгдэхгүй байж болох ч хугацааны явцад дахин өвдөлт өгөх шалтгаан болж болно.

Анатомын онцлогоос үүсэх эрсдлүүд

• Нэмэлт суваг илрээгүй үлдэх
• Суваг хэт нарийн, мурийлттай байх
• Сувгийн хананд мэдрэлийн ширхэг үлдэх
• Халдвартай эд бүрэн цэвэрлэгдээгүй байх
• Сувгийн оройн хэсэгт үрэвсэл үргэлжлэх

Ийм тохиолдолд дахин сувгийн эмчилгээ, нарийвчилсан рентген оношилгоо, шаардлагатай бол микроскоптой эмчилгээ хийх хэрэгтэй болдог. Сувгийн эмчилгээ нь гаднаас харахад энгийн мэт боловч үнэндээ миллиметрийн нарийвчлал шаардсан эмчилгээ юм.

Шалтгаан 3: Бүрээс хийлгээгүйгээс шүд дахин цоорох, хугарах, цуурах

Сувгийн эмчилгээ хийлгэсэн шүдний доторх мэдрэл, судас авсан байдаг тул тухайн шүд өмнөхөөсөө илүү хэврэг, хугарах эрсдэлтэй болдог. Ялангуяа араа шүд нь хоол зажлах үед хамгийн их ачаалал авдаг учраас сувгийн эмчилгээний дараа хамгаалалтгүй үлдээвэл хана нь цуурах, хугарах, ломбо нь салах эрсдэл нэмэгддэг.

Хэрэв шүдний хана хугарсан эсвэл микроскопоор л харагдах хэмжээний цууралт үүссэн бол тэр хэсгээр бактер дахин шүдний дотор орж, сувгийн эмчилгээ хийлгэсэн шүдийг дахин халдварлуулдаг. Энэ үед тухайн хүн “өмнө нь сувгаа эмчлүүлсэн байхад яагаад дахин өвдөөд байна?” гэж гайхдаг.

Үнэндээ асуудал сувгийн эмчилгээний дараа шүдийг бүрэн хамгаалаагүйтэй холбоотой байх нь элбэг. Тиймээс эмч шаардлагатай гэж үзсэн тохиолдолд сувгийн эмчилгээ хийлгэсэн шүдэнд бүрээс хийлгэх нь шүдийг урт хугацаанд хадгалах чухал алхам юм.

Шалтгаан 4: Ломбоны материалын харшил болон эдийн зохицол

Орчин үед хүмүүсийн харшлын мэдрэгшил нэмэгдэж байгаа тул зарим тохиолдолд шүдний эмчилгээний материалд биеийн эд тааламжгүй хариу урвал үзүүлэх боломжтой. Энэ нь нийтлэг тохиолдол биш боловч эмчилгээний дараах тайлбарлагдахгүй өвдөлт, үрэвсэл, таагүй мэдрэмжийн нэг хүчин зүйл байж болно.

Сувгийн ломбо материал нь шүдний дотор болон сурвалжийн орчимтой маш ойр байрладаг тул тухайн материал эдтэй хэр зэрэг зохицож байгаа нь чухал. Хэрэв материал эдтэй сайн зохицохгүй, цочроох нөлөөтэй бол тухайн хэсэгт архаг үрэвслийн шинж удаан үргэлжлэх боломжтой.

Иймээс орчин үеийн сувгийн эмчилгээнд зөвхөн сувгийг дүүргэхээс гадна эдтэй зохицол сайтай, био идэвхтэй, тогтвортой материал ашиглах хандлага улам бүр нэмэгдэж байна.

Prodent шүдний эмнэлэг сувгийн эмчилгээнд BIO Sealer ашиглаж байна

Дахин өвдөлт, дахин халдвар, материалын шимэгдэлт, эдийн зохицлын асуудлаас урьдчилан сэргийлэхийн тулд Prodent шүдний эмнэлэг сувгийн эмчилгээндээ BIO Sealer материалыг ашиглаж байна.

BIO Sealer нь био материал буюу хүний шүдний эдтэй зохицол сайтай, орчин үеийн сувгийн эмчилгээнд өргөн ашиглагддаг материал юм. Олон улсад “gold standard” гэж үнэлэгдэх болсон био материалууд нь сувгийн битүүмжлэлийг сайжруулах, эдийн цочролыг багасгах, урт хугацааны тогтвортой үр дүнд чиглэсэн давуу талтай.

BIO Sealer материалын давуу тал

• Шүдний эдтэй зохицол сайтай
• Сувгийн битүүмжлэлийг сайжруулдаг
• Дахин халдвар орох эрсдэлийг бууруулахад тусалдаг
• Эдийн цочрол багатай
• Орчин үеийн био технологид суурилсан
• Урт хугацааны тогтвортой үр дүнд чиглэсэн

Сувгийн эмчилгээ хийлгэсэн шүд дахин өвдвөл яах вэ?

Түгээмэл асуултууд