Шүд цайруулах үйлчилгээ нь шүдний өнгөн давхаргад тогтсон толбо, өнгөрийг арилгаж, таны инээмсэглэлийг илүү гэрэлтэг, цагаан болгох зорилготой юм. Гэрийн нөхцөлд цайруулах үйлчилгээтэй оо, наалт зэргийг хэрэглэж болох ч, илүү үр дүнтэй, аюулгүй үр дүнд хүрэхийн тулд мэргэжлийн эмчид хандах нь зүйтэй. Ялангуяа таны шүд мэдрэг, буйл үрэвсэлтэй бол заавал эмчийн хяналтад цайруулах шаардлагатай.
Шүд цайруулах эмчилгээ нь шүдний өнгийг цайруулж, байгалийн өнгийг сэргээн засах аргын нэг юм. Хүнсний бүтээгдэхүүн, ундаа, насжилт, тамхи зэрэг шалтгаанаар шүдний өнгө шарлаж, толбо үүсдэг. Шүд цайруулах эмчилгээ нь эдгээр асуудлыг шийдвэрлэх төгс арга бөгөөд мэргэжлийн эмнэлгийн нөхцөлд хийгддэг эмчилгээ нь хамгийн үр дүнтэй байдаг.
PRODENT ШҮДНИЙ ЭМНЭЛЭГ
ТЭГШ, ДҮҮРЭН, ЭРҮҮЛ инээмсэглэлийг бид танд мэргэжлийн үйлчилгээгээрээ бэлэглэх болно.
Шүд цайруулах үйлчилгээний талаарх зарим ойлголтууд
Шүд цайруулах эмчилгээ сүүлийн жилүүдэд ихээхэн түгээмэл болсон ч энэ талаар яригддаг олон яриа, ойлголт бий. Зарим нь үнэн, харин зарим нь ташаа ойлголт юм. Ингээд түгээмэл тархсан үнэн, худал ойлголтуудыг хамтдаа харцгаая.
1. Худал: Шүд цайруулах нь шүдийг гэмтээдэг
Үнэн: Мэргэжлийн шүдний эмчээр цайруулалт хийлгэх нь шүдийг гэмтээхгүй. Мэргэжлийн эмч нар зөв аргаар, аюулгүй бүтээгдэхүүн ашиглан шүдийг цайруулдаг. Харин буруу, хямд бүтээгдэхүүн ашиглах нь шүдний пааланг гэмтээж болзошгүй тул болгоомжтой байх хэрэгтэй.
2. Худал: Шүд цайруулах нь үүрд үргэлжилдэг
Үнэн: Шүд цайруулах үр дүн байнгын биш, харин хэдэн сар эсвэл жил үргэлжлэх боломжтой. Үүнээс хойш шүдний өнгө дахин шарлаж болдог. Шүдний өнгийг хадгалахын тулд тогтмол арчилгаа болон тодорхой хугацааны дараа дахин цайруулах эмчилгээ хийлгэх шаардлагатай.
3. Худал: Байгалийн аргаар шүд цайруулах нь илүү аюулгүй
Үнэн: Зарим хүмүүс сод, нимбэгний шүүс, хүчил агуулсан байгалийн бүтээгдэхүүнээр шүдээ цайруулдаг ч эдгээр нь шүдний пааланг гэмтээж болзошгүй. Хэрэв шүдний цайралтыг аюулгүй хийхийг хүсвэл мэргэжлийн эмчээс зөвлөгөө авах нь чухал.
Эмчийн зөвлөдөг сойз
20 жилийн турш шүдний эмнэлэгт ажилласан туршлага дээрээ үндэслэн Монгол хүний шүдэнд зориулан AI Dent сойзоо зах зээлд гаргаж байна.
“Доктор Э.Ануударь, шүдний мэргэшсэн эмч”
4. Худал: Шүдний паста шүдийг мэдэгдэхүйц цайруулж чадна
Үнэн: Зарим шүдний пастанууд бага зэргийн цайруулалт хийж чадах ч ихэнх нь өнгөн хэсгийг арилгахад зориулагдсан байдаг. Жинхэнэ цайруулалт хийхийн тулд мэргэжлийн цайруулах бүтээгдэхүүн эсвэл эмчийн эмчилгээг сонгох хэрэгтэй.
5. Худал: Шүд цайруулсны дараа бүх хүн шүд мэдрэг болдог
Үнэн: Шүд цайруулах эмчилгээ хийлгэсний дараа зарим хүмүүсийн шүд түр хугацаанд мэдрэг болж магадгүй ч энэ нь байнгын асуудал биш юм. Цайруулах бүтээгдэхүүн болон эмчилгээний аргыг зөв сонгох нь мэдрэг байдлыг багасгадаг.
6. Худал: Хэт их цайруулах нь шүдийг цагаан болгож улам сайхан харагдуулна
Үнэн: Шүд хэтэрхий цагаан болох нь заримдаа байгалийн бус харагдах бөгөөд тийм ч сайхан мэдрэмж төрүүлдэггүй. Шүдний байгалийн өнгөтэй зохицсон, зөв цайруулалт хамгийн сайн үр дүнг өгдөг.
Шүд цайруулах эмчилгээний төрлүүд
Мэргэжлийн цайруулах эмчилгээ (Кабинетэд):
- Энэ аргаар эмнэлэгт мэргэжлийн эмч нар өндөр чанартай цайруулах гел болон лазер эсвэл LED гэрлийг ашиглан шүдийг цайруулдаг. Энэхүү эмчилгээ нь богино хугацаанд өндөр үр дүнтэй бөгөөд шүдний өнгө 1-2 шат ахидаг.
Гэрийн нөхцөлд мэргэжлийн заавраар хийх цайруулалт:
- Эмчийн зааврын дагуу шүдний хэвэнд тохирсон тray болон гель ашиглан гэрийн нөхцөлд шүд цайруулах боломжтой. Энэ аргаар 1-2 долоо хоногт шүд мэдэгдэхүйц цайрдаг.
Цайруулах зурвас болон паста:
- Зах зээл дээр олон төрлийн шүд цайруулах бүтээгдэхүүн байдаг ч үр дүн нь мэргэжлийн эмчилгээнээс харьцангуй бага. Эдгээрийг өдөр тутмын хэрэглээнд тохирсон байдлаар ашиглаж болох ч шүдний эмчээс зөвлөгөө авах нь зүйтэй.
Шүд цайруулалтын дараах ерөнхий зөвлөмжүүд
Шүдний эмчилгээ
Зөвлөгөө Мэдээлэл
Хиймэл шүдний хамгийн сайн эмнэлэг
Хиймэл шүдний хамгийн сайн эмнэлэг – Хэрхэн зөв сонгох вэ? Шүдээ алдах нь хүний амьдралд тохиолддог…Шүдний паалан хийлгэсний дараа анхаарах 7 зүйл
Шүдний паалан хийлгэсний дараа анхаарах 7 зүйл нь гоо сайхны шүдний эмчилгээ хийлгэсэн хүн бүрийн…
Түгээмэл асуултууд
Шүд цайруулах нь аюулгүй юу?
Мэргэжлийн эмчийн хяналтан дор, зөв технологиор хийгдсэн тохиолдолд бүрэн аюулгүй. Харин зориулалтын бус бүтээгдэхүүн хэрэглэх нь шүдний пааланг гэмтээх эрсдэлтэй.
Цайруулсны дараа үр дүн хэр удаан хадгалагдах вэ?
Энэ нь таны амны хөндийн арчилгаа, хооллолтын зуршлаас (кофе, цай, тамхины хэрэглээ) хамаарч хэдэн сараас хоёр жил хүртэл хадгалагдана.
Үйлчилгээний явцад шүд өвдөх үү?
Зарим хүмүүст үйлчилгээний үеэр болон дараа нь шүд түр хугацаанд мэдрэгших шинж тэмдэг илэрч болно. Энэ нь ихэвчлэн 1-2 хоногийн дотор арилдаг хэвийн үзэгдэл юм.
Хэнд шүд цайруулахыг зөвлөдөггүй вэ?
Жирэмсэн болон хөхүүл эхчүүд, 18-аас доош насны хүүхдүүд, шүд цооролтой, буйлны үрэвсэлтэй, эсвэл паалан нь хэт мэдрэг хүмүүст зөвлөдөггүй.
Цаг авах
Та өөрт тохирсон шүд цайруулах үйлчилгээний талаар дэлгэрэнгүй зөвлөгөө авахыг хүсвэл манай Prodent эмнэлэгт цаг товлон ирээрэй. Онлайнаар цаг авах →