Шүд цайруулах 10 шалгарсан арга

Гялалзсан цагаан шүд нь таны өөртөө итгэх итгэл, ерөнхий дүр төрхийг ихээхэн нэмэгдүүлдэг. Шүдээ цайруулахаар зорьж байгаа бол зорилгодоо хүрэх олон тооны аюулгүй, үр дүнтэй аргууд байдаг.

Энэ нийтлэлдээ бид тэдгээр аргуудаас хамгийн их үр дүнтэй, шалгарсан аргуудыг түүвэрлэн бичлээ.

Хүний шүд өнгөө алдах шалтгаан

• Насжилт – Жил өнгөрөх тусам шүдэн дэх толбоны бөөгнөрөл болон элэгдсэнээс шүд шарлаж байдаг.
• Хооллолт – Улаан вино, кофе, цай, кола, лууван, жүрж болон бусад өнгөтэй ундаа хоолнууд жил өнгөрөх тусам толбо үүсгэх нөхцөлийг бүрдүүлж байдаг.
• Тамхи – Тамхины никитон нь шүд рүү нэвчиж дотоод өнгө алдалтыг үүсгэдэг.

Шүд цайруулах аргууд:

Мэргэжлийн шүдний цэвэрлэгээ

Та шүдээ цайруулах бодолтой байгаа бол мэргэжлийн шүдний эмнэлэгт хандаарай. Шүдний эрүүл ахуйн эмч тусгай багаж ашиглан толбо, шүдний чулууг арилгаж, шүдийг тань шинэ мэт цэвэрхэн харагдуулна. Энэ алхам нь шүдийг мэдэгдэхүйц цайруулах хамгийн үр дүнтэй арга юм.

Коксын тосоор зайлах

Коксын тосоор зайлах Коксын тос нь хорт бодисыг гадагшлуулж, амны хөндийн эрүүл мэндийг дэмждэг. Энэхүү арга нь эртний Аюурведийн үеэс ашиглагдаж ирсэн юм. Нэг халбага коксын тосыг эхлээд зажилж уусгаад амаа 15-20 минут зайлна. Зайлж дууссаны дараа асгаж амаа сойзоор цэвэрлэнэ. 100% байгалийн гаралтай, бактерийн эсрэг тос ашиглах нь тохиромжтой

Сод болон лимоны шүүс

Хүнсний сод нь зөөлөн зүлгүүр болж өгдөг ба шүд цайруулах үед гадаргуугийн толбыг арилгахад тусалдаг бол лимоны шүүс нь байгалийн цайруулагч бодис юм. Бага хэмжээний хүнсний содыг лимоны шүүстэй хольж зуурмаг үүсгэж, долоо хоногт хоёр удаа энэ хольцоор шүдээ зөөлөн угаана.

Идэвхжүүлсэн нүүрс

Идэвхжүүлсэн нүүрс нь хорт бодис, толбыг шингээх чадвараараа алдартай. Нойтон шүдний сойзоо идэвхжүүлсэн нүүрс буюу бидний мэдэх уголь гэх эмийг нунтаглан дүрж, шүдээ зөөлөн угаана. Хэт их үрэлт нь паалангаа гэмтээж болзошгүй тул энэ аргыг хэтрүүлэн хэрэглэхээс болгоомжил.

Цайруулах наалт

Цайруулах наалт нь хэт исэлд суурилсан гель агуулдаг. Сав баглаа боодол дээрх зааврыг дагаж, туузыг санал болгосон хугацаанд хэрэглэнэ. Цайруулах наалт нь шүд цайруулах явцад үр дүн сайн бөгөөд цаг хугацаан өнгөрөх тусам мэдэгдэхүйц үр дүнг өгч чаддаг.

Цайруулах шүдний оо

Цайруулах үйлчилгээтэй шүдний оо нь гадаргуугийн толбыг арилгахад туслах зөөлөн зүлгүүр, өнгөлгөөний бодис агуулдаг. Шинэ толбо үүсэхээс сэргийлж цайруулах шүдний оог тогтмол хэрэглэх.

Алимны цуу

Хэдийгээр хүчиллэг боловч алимны цуу нь байгалийн шүд цайруулах үйлчилгээтэй. Цууг усаар шингэлж, ам зайлагч болгон хэрэглэнэ. Уг бэлдцээр хэдхэн секунд зайлах бөгөөд дараа нь амаа усаар сайтар цэвэрлэх хэрэгтэй. Хэт их хүчил нь пааланг эвдэж болзошгүй тул үүнийг байнга хэрэглэж болохгүй.

Жимс, хүнсний ногоо

Алим, лууван, шанцай зэрэг шаржигнуур жимс, хүнсний ногоо нь зажлах явцад гадаргуугийн толбыг механик аргаар цэвэрлэхэд тусалдаг.

Соруул ашиглах

Кофе, цай, улаан дарс, хар өнгийн сүмс зэрэг шүдэнд толбо үүсгэдэг хоол, ундааны хэрэглээгээ багасгах эсвэл та эдгээр зүйлсийг хэрэглэж байгаа бол шүдэндээ хүрэхийг багасгахын тулд соруул хэрэглэх хэрэгтэй.

Амны хөндийн эрүүл ахуйг сахих

Амны хөндийн эрүүл мэндийг сахин хамгаалах, толбо үүсэхээс урьдчилан сэргийлэхэд тогтмол амаа угаах, шүдний утас ашиглах, ам зайлах бодисоор зайлах нь чухал юм. Цэвэр ам бол эрүүл, танан цагаан шүдний үндэс юм.

Шүд цайруулах эмчилгээг хэн хийлгэвэл зохимжтой вэ?

• Шүдний өнгө төрөлхийн харлаж өнгөртсөн хүн
• Багадаа буруу эм хэрэглэснээс болж шүдний өнгө хувирсан хүн
• Нас ахингаа шүдний өнгө хувирч өнгөртсөн хүн
• Кофе, тамхи их хэрэглэснээс болж шүдний өнгө хувирсан хүн
• Шүдний гадаад цохилтноос болж шүд харлаж өнгө хувирсан хүн

Холбоотой нийтлэлүүд

• Буйл хавдах 6 шалтгаан
• Шүдний ломбо, сувгийн эмчилгээ
• Шүдний гажиг заслын эмчилгээ
• Hollywood smile
• Имплант
• Хиймэл шүд
• Шүдний чулуу арилгах 5 арга
• Шүдний бүтэц

Холбоотой Үйлчилгээ

Зөвлөгөө Мэдээлэл