Буйлны үрэвсэл эмчлэх арга

Бид таньд буйлны үрэвсэл эмчлэх хялбар бөгөөд энгийн аргуудыг хүргэж байна. Эдгээр аргууд нь таны цаг, мөнгийг хэмнэж эрүүл мэндийн зөв мэдлэг олгоно гэдэгт итгэлтэй байна.

Буйлны үрэвсэл гэж юу вэ?

Буйл болон шүдний хооронд шүдтэй нягт наалдаагүй буйлны ховил нэртэй хөндий зай байдаг ба энэхүү хөндийгөөс дээш нүдэнд үзэгдэхүйц өнгөц байрласан өнгөр чулууны хуримтлалаас үүдэлтэй өвчлөлийг буйлны үрэвсэл гэж нэрлэдэг.

Буйлны үрэвслийн үед өнгөр чулууг цэвэрлэхэд хялбар ба бактерийн хортой шинж чанар нь харьцангуй бага байдаг. Амны хөндийн зөв арчилгаар бүрэн эдгэрэх боломжтой.

Харин буйлны үрэвслийг цаг тухай бүрт нь эмчлээгүйгээс болж өнгөр чулуу нэмэгдэн буйлны ховилын гүн рүү байрлаж эрүүний яс хүртлээ уусалт шимэгдэлт бий болгодог.

Тулгуур эдийн үрэвсэлт өвчин нь өөрөө аяндаа эдгэрэх боломжгүй ба ясны уусалт шимэгдэлт нэмэгдэхийн хэрээр шүд аажимдаа суларч унах эрсдлийг дагуулахаас гадна олон төрлийн бактерийн агууламж нь бусад эрхтэн системд мөн өвчин үүсгэх эрсдлийг дагуулдаг.

Буйлны үрэвслийг эрт үе дээр нь эмчлэх хэрэгтэй. Хэрэв үрэвсэл даамжирвал таны буйл амархан халдварлаж тархдаг. Халдвар нь буйлны доор яс руу дамжиж пародонтит буюу буйлны үрэвслийн илүү ноцтой хэлбэр болдог.

Буйлны эхэн шатны үрэвсэл, пародонтит хоёулаа чихрийн шижин, зүрхний өвчин, ясны сийрэгжилт, уушгины хатгалгаа, хорт хавдар зэрэг өвчнөөр өвчлөх эрсдэлийг нэмэгдүүлдэг. Эрт илрүүлэх нь хамгийн зөв зүйл юм.

Буйлны үрэвслийн шинж тэмдэг

Улайж хавдсан буйл:

Энэ бол таны буйланд анхаарал хандуулах шаардлагатай анхны шинж тэмдгүүдийн нэг юм. Мөн буйл эмзэг юм уу өвдөж утас болон сойзоор цэвэрлэх үед амархан цус алддаг.

Амнаас эвгүй үнэр:

Таны ам бол сая сая нянгийн хувьд сайхан, дулаахан, чийглэг гэр юм. Бактери нь буйл, шүдийг цочроож эвгүй үнэртэй хорт бодис ялгаруулдаг.

Мэдрэмтгий шүд:

Хүйтэн ундаанаас нэг балгахад л шүд чинь танд ямар нэг зүйлийг хэлж байгаа байх. Энэ буйлны өвчний шинж тэмдэг юм.

Амьдралын хэв маяг ба гэрийн нөхцөлд буйлны үрэвсэл эмчлэх арга

Пародонтит буюу буйлны үрэвслийг бууруулах эсвэл урьдчилан сэргийлэхийн тулд дараах арга хэмжээг авч үзээрэй.

• Өдөрт хоёр удаа эсвэл хоол зууш бүрийн дараа шүдээ угааж хэвших нь маш энийн бөгөөд үр дүнтэй буйлны үрэвсэл эмчлэх арга юм.
• Зөөлөн шүдний сойз хэрэглэж дор хаяж гурван сар тутамд сойзоо солих хэрэгтэй.
• Шүдний өнгөр, шүдний чулууг арилгахад илүү үр дүнтэй цахилгаан сойз хэрэглэх талаар бодож үзээрэй.
• Өдөр бүр утсаар цэвэрлэх шүдний ердийн утас хэрэглэхэд хэцүү бол нэг удаагийн шүдний утас хэрэглэж үзээрэй.
• Шүдний эмнэлэг дээр очиж эмчтэй уулзан танд шүд буйлны ямар бүтээгдэхүүн хамгийн сайн тохирох талаар зөвлөгөө аваарай.
• Шүдний хоорондох өнгөрийг багасгахын тулд ам зайлах бодис хэрэглээрэй.
• Шүдний эмчийн зөвлөсний дагуу шүдний цэвэрлэгээг тогтмол хийлгээрэй.
• Тамхи бүү тат

Урьдчилан сэргийлэх, буйлны үрэвсэл эмчлэх арга

Шүдний оо – Бактерийн эсрэг зарим шүдний оо нь өнгөр болон буйлны үрэвслийг багасгахад тусална фтор болон триклозан хэмээх антибиотик агуулсан байж болно.

Нянгийн эсрэг ам зайлагч – Та нянгийн эсрэг ам зайлагчийг өдөр бүр шүдээ угаахдаа цэвэрлэгээний нэг хэсэг болгон ашиглаж болно энэ нь бактерийг устгахад тусална.

Мэргэжлийн шүдний эмнэлэг – Prodent Clinic Dental эмнэлэг нь нарийн мэргэшсэн эмч нараар бүрдсэн. Түүнчлэн тэргүүлэх зэрэглэлийн хамгийн орчин үеийн технологи ашиглан эмчилгээ хийж байна.

Холбоотой нийтлэлүүд

• Буйл идээлэх шалтгаан
• Амны хөндийн эвгүй үнэр гарах 7 шалтгаан
• Хүүхдийн шүдний өвдөлтийн хамгийн түгээмэл 6 шалтгаан
• Амны эвгүй үнэрийг хурдан арилгах 8 арга

Холбоотой Үйлчилгээ

Зөвлөгөө Мэдээлэл