Шүд авах нь эцсийн арга хэмжээ бөгөөд шүдний эмч таны шүдийг аврах боломжгүй гэж үзсэн тохиолдолд хийгддэг. Гол шалтгаануудад эмчлэх боломжгүй гүн цоорол, шүдний гэмтэл, буйлны хүнд хэлбэрийн үрэвсэл, гажиг заслын эмчилгээнд зай гаргах, мөн буруу ургасан агт араа ордог. Хэрэв шүд тань хүчтэй өвдөж, хацар тань хавдсан бол гэрийн нөхцөлд эмчлэх боломжгүй тул яаралтай мэргэжлийн эмчид хандах шаардлагатай.
Шүд авах шалтгаан
Шүд авах гэдэг нь шүдийг ясны хөндийгөөс салгах шүдний эмчилгээний арга гэж ойлгож болно. Шүд авах шаардлагатай янз бүрийн шалтгаан байж болох бөгөөд уг процедурыг шүдний эмч эсвэл амны хөндийн мэс засалч хийх шаардлагатай.
PRODENT ШҮДНИЙ ЭМНЭЛЭГ
ТЭГШ, ДҮҮРЭН, ЭРҮҮЛ инээмсэглэлийг бид танд мэргэжлийн үйлчилгээгээрээ бэлэглэх болно.
Шүд авах шалтгаанууд
Шүд авах аргууд
Хэсэгчилсэн мэдээ алдуулалт
Шүд авахын өмнө шүдний эмч хэсэгчилсэн мэдээ алдуулалт хийх ба зарим тохиолдолд нарийн төвөгтэй буюу олон удаагийн экстракц хийхэд ерөнхий мэдээ алдуулалт хийж болно.
Шүд авсны дараах арчилгаа
Шүд авсны дараа та хоол хүнс хэрэглэхгүйгээр, жороор олгосон эм уух, амны хөндийн эрүүл ахуйг сахих зэрэг заслын дараах тусгай зааварчилгааг сахих хэрэгтэй.
Шүд авсны дараа эргэн тойрон хавдах, таагүй санагдах, бага зэргийн цус алдалт зэрэг шинж тэмдэг тохиолдох бөгөөд энэ нь хэвийн үзэгдэл учир санаа зовох хэрэггүй.
Шүд орлуулах боломж
Шүд авсны дараа танд тухгүй санагдаж байвал, эсвэл шаардлагатай гэж үзвэл имплант, Риббонд шүд, хиймэл шүд гэх мэт сонголтуудаас орлуулан хийх боломжтой.
Та өөрөө дур мэдэн шүдээ авч болохгүй. Учир нь таны амны хөндийн эрүүл мэнд цаашид хэвийнээр ямар нэгэн асуудалгүй үргэлжлэх мөн халдварт вирус тархахгүй байх зорилгоор шүд авах ажлыг мэргэшсэн шүдний эмчээр хийлгэх нь чухал юм.
Хэрэв та өөрийн шүдийг авах шаардлагтай гэж үзэж байгаа бол шүдний эмчтэй зөвлөлдөж цаг аваарай.
Эмчийн зөвлөдөг сойз
20 жилийн турш шүдний эмнэлэгт ажилласан туршлага дээрээ үндэслэн Монгол хүний шүдэнд зориулан AI Dent сойзоо зах зээлд гаргаж байна.
“Доктор Э.Ануударь, шүдний мэргэшсэн эмч”
Холбоотой нийтлэлүүд
- Буйлны үрэвсэл эмчлэх арга
- Амны хөндийн эвгүй үнэр гарах 7 шалтгаан
- Хүүхдийн шүдний өвдөлтийн хамгийн түгээмэл 6 шалтгаан
- Амны эвгүй үнэрийг хурдан арилгах 8 арга
- Шүдний утас
- Шүдний өрөм
- Шүдний үүрэг
- Амны хөндийн мөөгөнцөр
Зөвлөгөө Мэдээлэл
Хүүхдийн шүд хорхойтох: Өсвөр насны хүүхдийн шүд яагаад амархан цоордог вэ?
Өсвөр насны хүүхдүүдийн дунд шүд хорхойтох асуудал түгээмэл тохиолддог. Ялангуяа хийжүүлсэн ундаа, чихэрлэг хүнс, буруу…Шүдний өнгө сэргээх
Шүдний өнгө сэргээх нь зөвхөн шүдээ цайруулах тухай ойлголт биш юм. Зарим хүний шүд өнгөр,…Амны эвгүй үнэр
Амны эвгүй үнэр нь олон хүнд тохиолддог боловч ихэнх хүн энэ асуудлыг түр зуурын ам…
Түгээмэл асуултууд
Шүд авах үед өвддөг үү?
Үгүй. Шүд авахын өмнө тухайн хэсэгт мэдээ алдуулах тариа хийдэг тул та өвдөлт мэдрэхгүй. Харин ажилбарын үед бага зэрэг түлхэх, дарах мэдрэмж төрж болно.
Шүд авсны дараа юуг анхаарах ёстой вэ?
Эмчийн өгсөн самбайг зааврын дагуу зууж, цус тогтоорой. Эхний 24 цагт халуун хоол унд, соруулаар шингэн зүйл уух, тамхи татахаас зайлсхийх хэрэгтэй. Мөн авсан шүдний ормыг хэлээрээ оролдож болохгүй.
Шүдний ором хэр удаж эдгэрдэг вэ?
Анхан шатны эдгэрэлт 1-2 долоо хоногт явагдаж, буйл битүүрдэг. Харин доорх яс бүрэн нөхөн төлжиж, эдгэрэхэд хэдэн сар шаардагддаг.
Авсан шүдний оронд заавал шүд хийлгэх шаардлагатай юу?
Тийм. Хоосон зай үлдээснээр хажуугийн шүднүүд налж, эсрэг талын шүд ургах зэргээр шүдний эгнээний буруу байрлал үүсгэдэг. Энэ нь ирээдүйд хоол зажлах, эрүүний үений үйл ажиллагаанд сөргөөр нөлөөлнө.
Цаг авах
Хэрэв танд шүд авахтай холбоотой асуулт, санаа зовоосон зүйл байвал Prodent шүдний эмнэлэгт хандаж, мэргэжлийн эмчээс зөвлөгөө аваарай. Онлайнаар цаг авах →