Шүдний паалан гэж юу вэ ?

Шүдний паалан бол шүдний гаднах хамгаалалтын давхарга юм. Гидроксиапатит, кальци, фосфатаар баялаг талст эрдэс бодисоос бүрддэг. Энэхүү эрдэсжсэн давхарга нь яснаас ч илүү хүчтэй тул хүний биеийн хамгийн хатуу бодис гэгддэг.

PRODENT ШҮДНИЙ ЭМНЭЛЭГ

ТЭГШ, ДҮҮРЭН, ЭРҮҮЛ инээмсэглэлийг бид танд мэргэжлийн үйлчилгээгээрээ бэлэглэх болно.

Даваа-Баасан 09:00-17:00
Бямба, Ням 09:00-19:00

Утас: 7701 2828

Шүдний паалангийн үүрэг

Шүдний паалан нь шүдний эрүүл мэндийг сахихад чухал үүрэг гүйцэтгэдэг. Энэ нь дотоод бүтэц, дотор дентин, шүдний зөөлцийн буюу шүдний мэдрэлийн хамгаалалтын бамбай болдог.

Хамгаалалт: Паалан нь хазах, зажлах үед шүдийг гэмтэл авхаас хамгаалдаг. Мөн ялзрал үүсгэдэг хортой бактери, хүчлүүдийн эсрэг саад болдог.
Тусгаарлагч: Паалан нь таны шүдийг хэт халуун эсвэл хүйтэн зүйлээс хамгаална. Энэ нь таны шүдийг халуун, хүйтэн хоол, ундаанд хэт мэдрэмтгий болгохоос сэргийлдэг.
Гоо сайхан: Паалан нь шүдний хамгийн гаднах харагдах давхарга бөгөөд өнгө болон гялалзах байдалд нөлөөлдөг. Паалангийн давхарга бат бөх байвал гаднаас өнгө үүсгэгч бодис дентиний давхаргад нэвчиж өнгө үүсгэхгүй байх боломжоор хангадаг.

Шүдний пааланг эрүүл байлгах

Шүдний паалан нь бат бөх чанартай боловч устаж үгүй болдог. Өдөр тутмын элэгдэл, түүнчлэн хүчиллэг бодис, амны хөндийн эрүүл ахуйн шаардлага хангаагүй байдал нь цаг хугацааны явцад пааланг элэгдэлд оруулдаг. Шүдний пааланг эрүүл байлгах хэд хэдэн зөвлөмжийг хүргье.

Шүдний сойз болон утас ашиглах: Шүдний эрүүл ахуй нь шүдний пааланг хадгалахад маш чухал юм. Шүдээ өдөрт дор хаяж хоёр удаа фтор агуулсан шүдний оо-р угааж, ямар нэгэн өнгөр болон хоолны үлдэгдлийг арилгах хэрэгтэй.
Тэнцвэртэй хооллолт: Элсэн чихэр, хүчиллэг хоол хүнс, ундаа зэрэг нь паалангийн бэхжилтийг сулруулдаг тул тэдгээрийг бага хэрэглээрэй. Пааланг бэхжүүлэхийн тулд кальци, фосфат, витаминаар баялаг хоол хүнс хэрэглээрэй.
Шүдний эмчийн тогтмол үзлэг: Шүдний паалангийн хэвийн байдлыг хянах, ямар нэгэн асуудал гарсан бол цаг алдалгүй шүдний үзлэгт орох хэрэгтэй.
Шүдээ хавирахаас зайлсхий: Хэрэв та шүдээ хавирдаг бол пааланг гэмтээхгүйн тулд шүдний тусгай хамгаалалт зүүх талаар шүдний эмчтэй зөвлөлдөх хэрэгтэй.
Фторын хэрэглээ: Фтор нь пааланг бэхжүүлэхэд тусалдаг. Олон төрлийн шүдний оо пааланг нөхөн сэргээхэд туслах фтор агуулсан байдаг.

Паалангийн элэгдэл ба түүний үр дагавар

Паалангийн элэгдлээс үүдэн шүд мэдрэмтгий болох, цоорох, өнгөө алдах зэрэг шүдний эмгэг үүсдэг.Хэрэв паалангийн элэгдлийг эмчлэхгүй бол шүдний бүтцийн бүрэн бүтэн байдлыг алдагдуулж, ломбо тавихаас эхлэн бусад төрлийн шүдний нөхөн сэргээх арга хэмжээ авах шаардлагатай болдог.

Үнэгүй Оношилгоо

Prodent Clinic Шүдний эмнэлэг танд татгалзахын аргагүй санал тавьж байна. Та өөрийн шүдний зургийг гар утсаараа аваад бидэнд илгээгээрэй.

2-3 хоногт багтан таны шүдний эрүүл мэндийн оношлогоог хийж имэйлээр илгээнэ
Энэхүү оношилгоо нь зөвхөн онлайнаар зургаа илгээсэн хэрэглэгч бүртгүүлэх боломжтой
Үнэгүй оношилгоонд хамрагдах бол дараах формыг бөглөж илгээнэ үү. Хариу нь имэйлээр очно.